Johild har kunst- og handverksutdanning, og master i kunsthistorie. Ho jobbar med biletkunst og ulike dekorative malingsteknikkar – mellom anna rosemaling og den nesten gløymde vestnorske tradisjonen kroting. Ho har designa fleire messehaklar og hatt mange større og mindre oppdrag innan restaurering og rekonstruering av dekormalte interiør. Av dei større oppdraga er marmorering og ådring på Naturhistorisk museum i Bergen og på Utne hotel. Johild underviser i kunstfag på kulturskulen og held kurs og foredrag om gamle malingsteknikkar.