Museumssmykket
– Tradisjonar i over 300 år

Heilt nede ved ferjekaia på den vesle tettstaden Utne, omkransa av ein sjarmerande hage bak kvitmåla stakittgjerde og fantastisk utsikt over fjord og fjell, ligg eit av Noregs eldste og best bevarte trehotell – Utne hotel.

Små augneblink vert store og tilstanden av å berre vera kjem til sin rett på dette hotellet. Kjensla av bestemoridyll slår imot deg når du tek i døra. Det er som å koma heim. Her vert du møtt av det ekte smilet.

Det ligg nesten 300 års historie i veggane som fortel om sterke kvinner og vertinner som har vist varme og omsorg for sine gjester og for bygda si.

Du vil kjenne ei lengsel etter å koma tilbake.